cik kumaha kira Kirana lamun Jalma teu boga tata krama

Tatakrama teh hartina bisa jembar jeung loba rupa-rupana. Aya tatakrama dina basa, tatakrama dina natamu, tatakrama dina dahar jeung sajabana ti eta. Tatakrama ngahaja dijieun sangkan bisa digunakeun pikeun ngatur kumaha tingkah laku anu merenah teh sakuduna. Saperti dina widang basa, khususna basa Sunda, aya anu disebut Tatakrama Basa Sunda.

Dina Tatakrama Basa Sunda disebutkeun yen dina basa Sunda teh aya dua ragam basa anu disebut Ragam Basa Hormat / Lemes jeung Ragam Basa Loma. Ragam Basa Hormat / Lemes biasana digunakeun pikeun nyarita jeung anu saluhureun atawa anu dipikahormat. Sedengkeun Ragam Basa Loma biasana digunakeun pikeun nyarita jeung jalma anu geus loma atawa akrab, saperti jeung babaturan anu geus akrab.

Dina Ragam Basa Hormat / Lemes aya dua rupa ragam basa, nyaeta basa lemes pikeun ka diri sorangan jeung basa lemes pikeun ka batur. Lamun urang salah dina ngagunakeun ragam basa, saperti tibalik dina ngagunakeun ragam basa lemes pikeun ka diri sorangan jeung pikeun ka batur, tangtu bisa ngakibatkeun salah paham atawa diseungseurikeun ku batur.

Jadi, jalma anu teu boga tatakrama atawa salah dina ngagunakeun tatakrama, bisa ngakibatkeun salah paham atawa paling henteu diseungseurikeun ku batur. Contona saperti dina tatakrama ngeunaan cara dahar, geus dipikawanoh ku sarerea yen umpama nyekel sendok teh nyaeta ku leungeun katuhu, sedengkeun nyekel garpu nyaeta ku leungeun kenca. Umpama urang salah dina ngagunakeun sendok jeung garpu, bisa jadi urang diseungseurikeun ku batur.