Naon bedana khutbah jeung ceramah

Kategori Soal : Bahasa Sunda - Biantara
Kelas : VIII (2 SMP)
Pembahasan :

Sacara umum mah khutbah jeung ceramah teh henteu beda jeung biantara, nyaeta kagiatan nepikeun kedalan atawa cacaritaan di hareupeun jalma rea anu disusun sacara rapih jeung merenah. Sedengkeun sacara khusus khutbah jeung ceramah teh aya bedana. Di handap ieu dijentrekeun bedana khutbah jeung ceramah:

1. Eusi khutbah nyaeta ngeunaan ajaran agama Islam anu miboga tujuan diantarana pikeun ningkatkeun kaimanan jeung katakwaan ka Allah SWT. Sedengkeun eusi jeung tujuan ceramah bebas, bisa naon bae.

2. Khutbah ditepikeun dina ibadah saperti ibadah sholat Jum'at, sholat Iedul Fitri atawa sholat Iedul Adha jeung tempatna biasana di masjid atawa di lapangan anu kabuka. Sedengkeun ceramah bisa dilakukeun iraha bae, dina raraga naon bae, jeung tempatna bisa di mana bae.

3. Komunikasi anu aya dina khutbah nyaeta komunikasi saarah atawa monologis. Sedengkeun komunikasi dina caeramah bisa monologis jeung bisa oge dua arah atawa dialogis, gumantung kana suasanana.

4. Suasana khutbah salawasna mangrupa acara atawa kagiatan anu resmi. Sedengkeun ceramah bisa mangrupa acara resmi bisa oge mangrupa acara anu teu resmi.

5. Format atawa wangun anu aya dina khutbah geus tangtu, saperti aya istilah khutbah kahiji jeung hutbah kadua. Sedengkeun format anu aya dina ceramah mah bebas.

6. Sumber anu dicutat pikeun khutbah biasana dumasar kana sumber Al Qur'an atawa hadits. Sedengkeun sumber anu dicutat pikeun ceramah mah bebas, bisa tina sumber naon wae.